Natale 2019 | Be a kid this Cristmas di Edo Carella

La redazione Poesie in Dialetto
visibility651 - ViviWebTv - lunedì 23 dicembre 2019
il professor Edo Carella
il professor Edo Carella ©

La poesia di Natale del professor Edo Carella.

BE A KID THIS CHRISTMAS
(sii un bambino questo natale)

Turnème criatùre stu natèle,
criatùre jìnde e uècchje e jìnde o core
e perdunème a ci n'ha fatte mèle
e penzème a ci stè jìnde o delore.
Chèsse na jè stète na bone annète,
tra calle da mbìerne e tembèste
ma, a dritte e stuèrte, père ca na sime scuscetète;
mo penzème a iòtene sta fèste.
Ciò ca no me scènne so sti cazze de uèrre,
sti pacce ch'accìdene acchessì, a nzicche a nzicche,
crestiène da mètte sotte sotte a tèrre;
ma femàmene nu picca picche.
U munne jè acchessì bèlle,
u Segnòre l'ha fatte a mesùre:
u sole, u mère, i mundàgne, i stèlle,
iudimanìlle accome e criatùre.
Sendìte a me, geràteve u paìse,
nghjanète i carrère, scennite i pennìne,
no dète adènze a sti facce de mbise,
e fermàteve nnanze o Bammìne;
e quanne scète gerànne
parlète chi vecchjarìdde,
ca ne tènene da cundè doppe tand'anne:

de come se presciàvene chi purcìdde,
de come facèvene u preseppùdde,
de cè acchjàvene jìnde a calzètte,
e miche cose grosse, robbe da nudde,
ma lore l'avèvene sèmbe azzètte.
E po te recreìsce a tutte l' addòre:
a mamme ch'accummàtte suse o tavelìre,
a ziène ca lève u pudecìne a cheròne di pummedòre,
u nonne ca angummènze a votte du mìre.
E allore te sìende tutte nu prisce
e scinne mmìenze a chjàzze
e salute a cummère ca stè frisce
che na criature mbrazze.
No nge stè nudde da fè, Natèle jè Natèle
e quanne arrive te vène a frenesìe;
jì pènze ca u sàpene pure l'anemèle
e tu tuèrne a jèsse criature ca fandasìe.
E te vite, calzùne corte e calzìtte affertuquète,
suse a na sègge a lèsce a lèttèrìne
e màmete e attànde, uècchje ammuddète,
t'abbàttene i mène alla fine.
Turnème a jèsse criatùre che na volde,
mucche o nèse e pèzze ngule,
facìmene u gire ch'accògghje i solde
e penzème a ci pure a natèle s'a passe sule.

Edo Carella

Lascia il tuo commento
commenti
I commenti degli utenti
Altri articoli
Gli articoli più letti